Hitanoa da webgune honen gaia, hikako jarduna. Noiz, norekin, non eta nola egiten da hika? Zer iritzi daude hitanoaren inguruan? Webgune honetan hitanoarekin lotura duten testigantzak, bideoak eta argitalpenak aurkituko dituzu.

Badihardugu euskara elkartean urteak daramatzagu hikako testigantzak jasotzen, Ahotsak.eus proiektuaren barruan, ahozko jardun natural gisa. Azken urteotan hitanoa bultzatzeko egitasmoekin ere bagabiltza eta, besteak beste, hitanoari buruzko elkarrizketak eta ikus-entzunezkoak egin ditugu. Egin ditugun lanak bildu eta erakusteko asmoz sortu da webgune hau.