Hika hizketan

• Gaztainak bota eta sagarra sartu

  Baxili Txintxurreta Goenaga (1922) Oñati

  Arrautzak eta babarrunak ere saltzen zituen. Babarrun asko eta oso ona egiten omen zen Goienetxen. Udazkenetik aurrera sagarrak ere saltzen zituen. 1934. urtean gaztainadiak bota, lurra landu eta Gipuzkoako Foru Aldundiak ogerleko bat sagar-landarako emanda, 70 landara sartu zituzten. Garoen zuztarrak ere den-denak atera behar izan zituzten.

• Sagardoa nola gozatu; patsa; zipotza

  Jexuxmari Errekondo Aizpurua (1929) Usurbil

  Upelak. Sagardoari gozoa joateko zer egiten zuten. Patsa aitzurtu egiten zuten, sagardoz bete eta upelera. Patsa zer den. Zipotza zer den. Onila lastoarekin, iragazki bezala. Tina.

• Dolarea goraino betetzen zuten 35 kargarekin

  Jexuxmari Errekondo Aizpurua (1929) Usurbil

  Sagardoaz asko zekitenak, osabaz aparte: Nikanor eta Saltxipikoak. Dolarea puntaraino betetzen zuten 35 kargarekin. Egunean hiru ebakialdi. Jotzeko makina garbitzen. Karga bakoitza sei zaku ziren. Bertsotan ibiltzen ziren.

• Sagarra nola jotzen zuten

  Justo Camino Ibargoien (1930) Usurbil

  Lehen oso kotxe gutxi zeuden Txoko Alden. Lehen sagar asko zegoen eta Saltxipiko emakumeak sagarra jotzen laguntzeko deitzen zion Justori. Sagarra nola jotzen zuten azaltzen du.

• Eguneroko jatekoak

  Isidoro Mugerza San Martin (1927) Mendaro

  Egunero baba jaten zuten. Txerrikia ere jaten zuten. Porruak, azak, lekak, patatak... batzen zituzten. Sagarrak, madariak eta okaranak ere biltzen zituzten.

• Aitak fruta-arbolak txertatzen zituen

  Jone Garbiñe Izagirre Telleria (1935) Urretxu

  Aitak fruta-arbolak (sagarrak, madariak eta gereziak) txertatzen zituen bera gaztea zela. Hika egiten zien aitak. 

• Golako errekaren inguruan errota eta sagarrondo ugari

  Damiana Belaustegi Jaio (1924) Mendata

  Errota asko zeuden euren baserri ondotik pasatzen zen Golako errekaren inguruan. Sagarrondoak ere ugari zeuden, errekaren bi aldeetatik.

• Intxaur, gaztaina eta sagar klaseak; erretxina-batzea

  Julian Echeverría Oruna (1913) Eibar

  Intxaur klase desberdinak daude. Gaztaina, sagar, madari eta gerezi klase desberdinen izenak aipatzen ditu. Fruta-arbolak nola mentatzen diren. Umetan, pinuari zuloa egiten zioten eta erretxina batzen zuten; gero saldu egiten zen.

• Sagarrak bildu eta sagardotegia gobernatu

  Miel Almortza Leizeaga (1926) Urnieta

  Sagarrak nola biltzen zituzten azaltzen du. Amonaren garaian sagardotegia zeukaten, baina gerora utzi egin zuten. Sagardotegiko komeriak entzunak ditu Mielek.

• Emeterio aitajaunak eman zien hasiera baratze-lanei

  Emeterio Elkoroberezibar Odriozola (1931) Bergara

  Aitajauna, hura ere Emeterio, izan zen Zubikoa baserrian baratze-lanetan jardun zuen lehenengoa. Fruta-arbolekin ere lan egiten zuen. Oso ona ei zen txertaketan; sari bat ere irabazi zuen sagar mentu batekin. Seme zaharrenak jarraitu zuen baratzeko lanekin, baina gazterik hil zen tifusaren ondorioz. Emeterioren aita Donostiako Urbana hoteleko sukaldari nagusia zen. Anaia hil zenean, hotela utzi eta baserrira itzuli zen. Emeteriok familiako jarduerarekin segitu zuen.

• Musikak dedikazioa behar

  Patxi Oliden Gonzalez de Txabarri (1923) Orio

  Bere kontura ikasi izan du asko. Etxean Argiaren egutegia hartzen zuten eta kantak ikasten zituen handik. Sei urte zituenerako koruan abesten zuen. Eskola garaian, bolada batez gorrotoa ere izan zion musikari, lagunak jolasean zebiltzan bitartean berak han egon behar izaten zuelako. Musika jolerik onena ordu gehien sartzen dituena dela dio.

• Musikako titulurik ez

  Patxi Oliden Gonzalez de Txabarri (1923) Orio

  Santiago Azurza organistarekin ikasi zuen, baina ez du musikako titulurik. Horren inguruko gogoetak.

• Musika ikasteko aukera bakarra elizaren bueltan

  Patxi Oliden Gonzalez de Txabarri (1923) Orio

  Garai batean musika ikasteko aukera bakarra elizaren bueltan zen. Kontserbatorioa Donostian bakarrik zegoen. Unibertsitaterik ere ez zen; ikasketak egitera kanpora joan behar. Elizan organoa ikasten zen, beste instrumentuak geroago etorri ziren. Remigio txistularia; berak egin zion txistua ebanoarekin.

• Berak asmatutako melodiak partituretan jartzen ditu

  Patxi Oliden Gonzalez de Txabarri (1923) Orio

  Berari burura etortzen zaizkion melodiak partituretan jartzen ditu. Lehendik buruan ditugun doinuek eragina izaten dute, baina bera denak ezberdinak egiten saiatzen da. Berak sortutako melodia baten inguruko istorioa.

• Erretiroa hartu ostean hasi zen ordenagailuarekin

  Patxi Oliden Gonzalez de Txabarri (1923) Orio

  Erretiroa hartu zuenean, aktibitateren bat behar zuela eta ordenagailuarekin hasi zen. Ikastaro batzuk egin zituen eta hainbat kontu egiten ikasi zuen ordenagailuarekin: kalkuluak, programak...

• 7000 partituratik gora ordenagailuz eginak

  Patxi Oliden Gonzalez de Txabarri (1923) Orio

  Erretiroa hartu ostean hasi zen ordenagailuarekin eta hainbat kontu egiten ikasi zuen. Interneta erabiltzeko ikastaroa ere egin zuen, baina ez da sartzen, denbora asko galarazten duelako. Halako batean, bestelako kontuak utzi eta musikarekin zentratu zen. Pixka bat desfasatuta dagoela ikusi arren, ez zaio axola, 91 urte izanda, nahikoa badelako horretan aritzea. 7000 partituratik gora ditu eginak. Ordu asko sartzen ditu.

• Erregenetan Orion kantatzen den kanta

  Patxi Oliden Gonzalez de Txabarri (1923) Orio

  Erregenetan Orion kantatzen den kanta Santiago Azurzaren eskuizkribu batetik ateratakoa da. Antxiolak eta Irurak kantatzen zuten koruan. Berak txukundu eta partitura atera zuen. Orion bakarrik kantatzen omen da eta berak zabalkundea eman nahi lioke.

• Su bedeinkatuarekin abesten zuten kanta

  Patxi Oliden Gonzalez de Txabarri (1923) Orio

  Duela urte asko Aita Donostia eta Resurreccion Maria Azkue ibili ziren herri-kanta zaharrak biltzen. Aste Santuan goizean izaten zen elizkizuna eta gero su-bedeinkatuarekin eskean ibiltzen ziren etxerik etxe. Hauxe abesten zuten: "Su zaharra kanpora, su berria etxera...".

• Fotokopiagailua, asmakizun ona

  Patxi Oliden Gonzalez de Txabarri (1923) Orio

  Fotokopiagailua asmakizun oso ona izan dela dio. Garai batean nola konpontzen ziren kopiak egiteko.

• Ikasketekin jarraitzeko, herritik kanpora joan behar

  Patxi Oliden Gonzalez de Txabarri (1923) Orio

  14 urtera arte ibili zen eskolan. Batxilerra egin nahi zuena Donostiara joan behar izaten zen eta unibertsitate-ikasketak nahi zituena, berriz, Zaragozara, Valladolidera edo Salamancara.