Hitanoari buruzko pasarteak

  • Amaia Altuna Alabak eskatu egin dio hika egin diezaion

    Amaia Altuna Sagasta (1961) Arrasate

    Alaba gazteenak eskatu izan dio hika egiteko eta hasita daude. Lagun artean, baina, alabak ez dauka hika norekin egin.

  • Joxerra Agirreurreta Euskalkia eta hitanoa gertukoak

    Joxerra Agirreurreta Zeziaga (1959) Arrasate

    Euskalkia eta hitanoa gertukoak direla dio. Hizkuntza bati alde informala kentzea akatsa dela uste du.

  • Joxerra Agirreurreta Hitanoa, konfiantza eta hurbiltasuna

    Joxerra Agirreurreta Zeziaga (1959) Amaia Altuna Sagasta (1961) Arrasate

    Hitanoak konfiantza eta hurbiltasuna ematen dituela uste dute. Hitanoaren galeran apaizek zerikusia izango zutela uste du Joxerrak, zakarra zela esaten zieten eta. Hitanoa basati izatearekin lotu izan dela diote.

  • Joxerra Agirreurreta Appa Hi! aplikazioa, hitanoa prestigiatzeko

    Joxerra Agirreurreta Zeziaga (1959) Arrasate

    Appa Hi! aplikazioa elegantea iruditu zaio Joxerrari eta zorrotza ere bai. Gazteentzat bitarteko ona dela uste du.

  • Mireia Arrieta Familian hitanoa ohikoa

    Mireia Arrieta Lete (1979) Aretxabaleta

    Etxean betidanik entzun du hika, baina berari sekula ez diote egin. Familian asko entzun izan du beti. Bere ama orain hasi zaio hika egiten, ez dadin galdu.

  • Mireia Arrieta Mutila balitz, hika egingo liokete

    Mireia Arrieta Lete (1979) Aretxabaleta

    Mutilak diren lehengusuei familiakoek hika egin izan diete. Beraz, bera mutila balitz ere egingo ziotela uste du.

  • Mireia Arrieta Baserria, gazteak eta hika

    Mireia Arrieta Lete (1979) Aretxabaleta

    Auzoetan, baserri inguruetan, hika askoz gehiago mantentzen da. Hala ere, gazteen artean gorokorrean galtzen joatea izan da joera.

  • Mireia Arrieta Auzoan eta kalean hitanorik bai?

    Mireia Arrieta Lete (1979) Aretxabaleta

    Familian entzuteaz gainera, auzoan bertan eta kalean ere zertxobait entzun du hitanoa, baina gizonen artean.

  • Mireia Arrieta Norekin hitz egiten duzu hika?

    Mireia Arrieta Lete (1979) Aretxabaleta

    Juxerekin hika egiten du batzuetan, lanean, etxekoekin ere bai (ama, izeba edo ahizparekin) eta kuadrilako lagun batekin ere bai. Batzuetan zaila izaten da elkarrizketa hika jarraitzea. Hala ere, nesken aditz formak ondo kontrolatzen ditu lagunak.

  • Mireia Arrieta Baserriko animaliei hika? Eta seme alabei?

    Mireia Arrieta Lete (1979) Aretxabaleta

    Txakurrei zuka egin izan die beti. Seme alabei nahi die hikaren tradizioa pasatu, baina zaila da. Elkarrizketatzaileak aipu bat egiten du bere inguruan seme alabei hika egiten hasteko egon den esperientziaren gainekoa. Gainera, batzuek esaten dute haurrei koxkortutakoan hasi behar zaiela hika egiten.

  • Mireia Arrieta Haur eskolako haurrei hika ez

    Mireia Arrieta Lete (1979) Aretxabaleta

    Mireiak ez die Haur Eskolako haurrei hika egiten. Tauletan agertzen dira hikako formak, baina ez zaio garrantziarik ematen, eta azterketetarako ere kendu egiten dute. Batzuetan zuzenean agertu ere ez da egiten.

  • Juxe Familian entzun du hika

    Juxe Zuazua Eguren (1964) Aretxabaleta

    Familian entzun izan du beti inguruan, nahiz eta Mireiari bezala, berari sekula ez dioten egin. Ama hasi zaio azkenaldian hika egiten.

  • Juxe Hika mantendu dadin bere alea jartzen

    Juxe Zuazua Eguren (1964) Aretxabaleta

    Lau bat pertsonarekin hasi zen egiten hika, modu informalean. Gaur egun pertsona horiekin eta beste pare batekin egiten du. Garrantzitsua iruditzen zaio hika mantentzea eta bere alea jarri nahi du.

  • Juxe Seme alabekin hika?

    Juxe Zuazua Eguren (1964) Aretxabaleta

    Semeak bazuen hika egiteko gogoa eta egiten zion zerbait. Alabarekin, aldiz, ez du ohiturarik.

  • Mireia Arrieta Eskoriatzan eta Aretxabaletan gazteek hitanorik ez

    Mireia Arrieta Lete (1979) Juxe Zuazua Eguren (1964) Aretxabaleta

    Eskoriatzan eta Aretxabaletan hika mutilek egiten dute batez ere, nahiz eta haiek ere gutxi egin. Adinari dagokionez, 27 urteko mutil gazte batzuek erabiltzen dute, baina arraroa da. Gazteek oso gutxi egiten dute hika orokorrean, euskaraz ere ez baita asko entzuten.

  • Mireia Arrieta Hika egiteagatik komentariorik ez

    Mireia Arrieta Lete (1979) Juxe Zuazua Eguren (1964) Aretxabaleta

    Konturatzen da jendea hika egiten dutela, baina ez diete normalean ezer esaten, ez txarrik, ez onik. Zaila izaten da kuadrilan beste inork egiten ez duenean, bakarren batekin hika egitea.

  • Mireia Arrieta Hika, emakumeendako baldarra: baserritarrena

    Mireia Arrieta Lete (1979) Juxe Zuazua Eguren (1964) Aretxabaleta

    Adinekoen artean, noizbehinka zakarra dela entzun izan du Mireiak, baina gutxitan. Hala ere, beraiek zuzenean entzun ez duten arren, fina ez den eta emakumeentzako baldarra izan daitekeen hizkera gisa jo izan da askotan. Baserritarren hizkera gisara.

  • Mireia Arrieta Baserriko emakumeen konplexuak

    Mireia Arrieta Lete (1979) Juxe Zuazua Eguren (1964) Aretxabaleta

    Baserritarrek euskararekin ere nahiko konplexu zituzten jada. Kaletarrak baino gutxiago sentiarazten zieten.

  • Mireia Arrieta Zergatik galdu den errazago emakumeen hika

    Mireia Arrieta Lete (1979) Juxe Zuazua Eguren (1964) Aretxabaleta

    Emakumeak ez ziren baserritik ateratzen eta horrek asko eragin zuen emakumeen harreman sareetan, eta, beraz, komunikazioan.

  • Mireia Arrieta Hitanoaren trasmisio-etenaren zergatia

    Mireia Arrieta Lete (1979) Juxe Zuazua Eguren (1964) Aretxabaleta

    Konplejo puntu bat dagoela uste dute, euskararekin ere antzeko zerbait gertatu baitzen. Gazteleraz egiten zuten askok euskara ez zelako zuzentzat hartzen. Beraz, hikarekin ere antzeko zerbait gertatzen zen.