Hika hizketan

• Kanpai joaldi motak: hil-kanpaiak, suteenak...

  Julen Abasolo Gallastegi (1963) Aretxabaleta

  Kanpaiak jotzeko partitura digitalak sortu zituzten. Kanpai-jotzaile bakoitzak bere ukitua ematen dio. Jotzeko hamahiru era daudela azaltzen du: gaixoaldiak, heriotzak, suteak, jaiak... Konjuruak ere egiten ziren kanpaiekin.

• Lagun artean hika gerora hasi ziren

  Josu Lasagabaster Altube (1980) Aitor Zubizarreta Zubia (1979) Aretxabaleta

  Bere inguruan hika egiten dutenak baserriarekin loturaren bat dutenak izaten direla uste du. Denborarekin hasi izan dira hika lagun artean, gerora. Hika egitea erabaki baten ondoriozkoa eta landutakoa izan dela dio Aitorrek.

• Hika entzun arren, egiteko lagunak falta

  Josu Lasagabaster Altube (1980) Aitor Zubizarreta Zubia (1979) Aretxabaleta

  Batzuek hika etxean jaso arren etxean, gurasoei nagusiagoak izanda, ez diete hika erantzuten eta lagun artean ere ez dute umetan egiten. Kuadrillan hikarako ohitura badago natural, errazagoa izaten da besteek ikastea ere.

• Semeari hika egitearren kontu hartu ziotenekoa

  Josu Lasagabaster Altube (1980) Aitor Zubizarreta Zubia (1979) Aretxabaleta

  Hika egitea gaizki ikusita egon dela entzun izan du Aitorrek. Mutikoei hika egitearren agure batek kontu hartu zionekoa kontatzen du Josuk. Aitorrek ez du ohiturarik hartu oraindik semeari hika egiteko.

• Aitak eta izebak hika egin diotelako ikasi du

  Aitor Zubizarreta Zubia (1979) Aretxabaleta

  Aitak eta izebak hika egin izan diote. Amandreek eta aitajaunak zuka egiten zioten. Aitak alabari zuka egin izan diola dio. Auzokoen artean entzun izan du hika baina haiekin egiteko aukerarik ez du izan.

• Auzotarrak hika

  Josu Lasagabaster Altube (1980) Aitor Zubizarreta Zubia (1979) Aretxabaleta

  Josuren auzoan emakumeek ere hika gizonek beste egin izan dute; Aitorrenean, amandreak ahizpa zaharrenarekin ez.

• Bertako aditz-taulak lagungarri

  Josu Lasagabaster Altube (1980) Aitor Zubizarreta Zubia (1979) Aretxabaleta

  Eskolan euskara batua ikasi zuten. Bertako irakasleek bertako euskara erabiltzen zuten ahozkoan. Batuko hika tauletatik eta telebistatik ikasi zuten. Aretxabaletako aditz-taulak ere baliagarri egin zaizkio Aitorri.

• Hika indartzeko aukerak

  Josu Lasagabaster Altube (1980) Aitor Zubizarreta Zubia (1979) Aretxabaleta

  Hikako formak ikasitakoan, ohitura hartzea dela zailena dio Aitorrek. Hala ere, gazteen artean gaztelerari aurre egiteko aukera bakartzak ikusten du. Hikak gertutasuna eta konfidantza ematen dutela uste du. Josuk uste du zail dagoela hika indartzea, transmisioa apurtuta dagoelako.

• Hika nahastean

  Josu Lasagabaster Altube (1980) Aitor Zubizarreta Zubia (1979) Aretxabaleta

  Hika eta zuka nahasten dutenak izaten dira, baita mutilei moduan neskei egiten dietenak ere. Egitea dela garrantzitsuena diote. Kuadrilla askotan batzuk hika hasi direla diote.

• Euskaraz ondo egiteko zuzentzea, estimutan

  Josu Lasagabaster Altube (1980) Aitor Zubizarreta Zubia (1979) Aretxabaleta

  Gazteen euskara aldatuz doala uste dute eta aldatzen jarraituko duela. Amak zuzendu egiten ziela gogoan du Josuk, baita Aitorrek ere.

• Beste herrietako gazteekin hika

  Josu Lasagabaster Altube (1980) Aitor Zubizarreta Zubia (1979) Aretxabaleta

  Josuri samurragoa egin izan zaio beste herri batzuetako lagunekin hika egitea. Hikak konfidantza ematen duela, gertukoa dela eta zuka baino zuzenagoa dela uste dute.

• Hika erabiltzeko arauak

  Josu Lasagabaster Altube (1980) Aitor Zubizarreta Zubia (1979) Aretxabaleta

  Denekin hika egiten duten batzuek ez dute zuka jakin ere egiten. Inork ez die argi esan hika norekin erabili. Adinean saltoa badago, zaila egiten zaio Josuri hika egitea. Aitorrek entzunda du hika zela garai batean gehien-gehien berba egiten zena.

• Hika, euskara gordetzeko aukera

  Josu Lasagabaster Altube (1980) Aitor Zubizarreta Zubia (1979) Aretxabaleta

  Hika gorde den herrietan euskara ere gehiago gorde dela uste dute. Hikak euskara gordetzeko aukera gehiago ematen duela uste du Aitorrek. Hika baserritarrekin lotu izan da herrian.

• Hika, berrogei urtetik gorakoen artean bakarrik

  Josu Lasagabaster Altube (1980) Aretxabaleta

  Berrogei urtetik gorakoen artean, hika egiten dute batzuek, kontzientziagatik eta entzun egin dutelako. Baina hortik beherakoek egitea oso zail ikusten du Josuk. Eskolatik etxera euskara kaxkarragoarekin datozela ere sentitu izan du.

• Beraien buruei hika

  Josu Lasagabaster Altube (1980) Aitor Zubizarreta Zubia (1979) Aretxabaleta

  Josuk hika egiten die txakurrei. Beraien buruei hika egiten diete biek.

• Hika pizteko aukerak

  Josu Lasagabaster Altube (1980) Aitor Zubizarreta Zubia (1979) Aretxabaleta

  Euskara kontzienteki bueltatu direnentzat, aukera izan daitekeela hika aritzea uste du Aitorrek. Herrietako gazteak hika egiteko elkartzea aukera bat izan daitekeela uste du Josuk. Parrandara, musikara... gerturatzea aukera bat izan daitekeela uste du.

• Mugikor gabeko garaiak

  Josu Lasagabaster Altube (1980) Aitor Zubizarreta Zubia (1979) Aretxabaleta

  Mugikor gabeko garaiez ari dira. Mugikorra oso erabilgarria dela diote baina biziatuta daudela uste dute.

• Mugikorraren tresnak eta sare sozialak

  Josu Lasagabaster Altube (1980) Aitor Zubizarreta Zubia (1979) Aretxabaleta

  Mugikorrak dituen tresnez eta sare sozialei buruz ari dira.

• Lagun artea ezinbesteko

  Josu Lasagabaster Altube (1980) Aitor Zubizarreta Zubia (1979) Aretxabaleta

  Kuadrillaren garrantziaz ari dira. Zoriontzeko erabiltzen dira kuadrillako watsapak; beraiek ez dute horretarako erabiltzen.

• Gaztelerarekin komeriak

  Josu Lasagabaster Altube (1980) Aitor Zubizarreta Zubia (1979) Aretxabaleta

  Umeentzako euskarazko liburu asko daudela diote, baita beraien garaian ere. Gaztelerarekin komeriak izan dituzte.