Hitanoari buruzko pasarteak

• Amak egiten dio hika

  Nerea Agirre Kortabarria (1977) Oñati

  Amaren bidez jaso du hitanoa, etxean. Bi ahizpei egin die hika amak, eta etxeko bi osabek ere bai. Aitak noizbait baina gutxi. Egiten duen apurra amarekin egiten du, eta orain ahizpari gehiago egiten hasi da. Amarekin lehen ez zuen egiten, eta orain ere gaiaren eta momentuaren arabera.

• Gurasoek ez diote Marixoli hika egin; auzoan ikasi du

  Irati Barrena Bolinaga (1999) Marixol Bolinaga Erostarbe (1962) Oñati

  Ez du hitanoa etxean jaso. Gurasoek egin dute beren senideekin eta auzoan ere entzun du. Zaharragoei hika egitea oso gaizki ikusita egon da. Osaba mutilzahar batzuek bere anaiari hika egin izan diote, baina berari ez. Koadrilakoekin egiten du hika Marixolek, eta auzoan ikasi zuen. Orain alabari egiten dio hika, ikasi dezan.

• Ama-alabak elkarrekin hika, ikasteko

  Irati Barrena Bolinaga (1999) Marixol Bolinaga Erostarbe (1962) Oñati

  Alabari hika egiten hasi da, eta Iratik baimena dauka amari ere hika egiteko. Konturatu ziren neskek ez dakitela, eta mutilek ere ez noka. Iratik ez zekizkien nokako formak, eta erakusteko eskatu zion amari.

• Marixolen gurasoen ustez hika egitea "gogorra"

  Irati Barrena Bolinaga (1999) Marixol Bolinaga Erostarbe (1962) Oñati

  Marixolen gurasoei "gogorra" iruditzen zaie alabari hika egitea. Iratik aitajunari egiteko eskatu zion, eta hark ezetz. Marixolek ez dauka pertzeptzio hori: berari gustatu egiten zaio. Hori bai, haserre dagoenean, demanda egiteko erabiltzen du gehien berak.

• Iratiren adineko mutilek toka egiten dute, baina noka ez

  Irati Barrena Bolinaga (1999) Oñati

  Hitanoarekin izan duen esperientzia. Daukan erreferentzia amonarena da, eta bere adineko mutilena: hika egiten dute beren artean. Berari gaizki egiten zioten, noka beharrean toka, eta horregatik animatu zen amari eskatzera. Marixolen kasuan Araotzen ohikoa zen gazteen artean hika jardutea.

• Neska eta mutil elkarrekin joaten ziren tabernetara

  Marixol Bolinaga Erostarbe (1962) Oñati

  Sozializatzeko moduak ez dira berdinak izan neskentzat eta mutilentzat. Bere amaren sasoian emakumeek finak izan behar zuten, ez errebeldeak... Marixolek ez du hori bizi izan. Neska eta mutil ekarrekin joaten ziren tabernetara.

• Hutsunea dago nokaren kasuan

  Irati Barrena Bolinaga (1999) Marixol Bolinaga Erostarbe (1962) Oñati

  Oñatin hitanoaren osasuna mutilen kasuan ona dela uste dute, baina neskena ez. Mutilek asko darabilte. Nesken kasuan hutsune bat dago. Amonak noka egiten du lagunekin eta ahizparekin.

• Esaldi solteak hika, Iratik lagunekin

  Irati Barrena Bolinaga (1999) Oñati

  Iratik dio bere lagunekin ez duela hitanoari buruz hitz egin... baina esaten dituzte esaldi batzuk hika. Uste du batzuk animatuko lirakeela erabiltzera eta beste batzuk ez.

• Hitanoak konplizitatea ematen du

  Irati Barrena Bolinaga (1999) Marixol Bolinaga Erostarbe (1962) Oñati

  Identitate-marka bat da hitanoa Iratirentzat. Beste lotura bat sortzen da, konplizitatea. Ez du uste bere adineko beste neskek hiak dakitenik, baina ez du galdetu. Bere bi lagunek (mutilek) ez dioete noka egiten, ez dakitelako.

• Duela urte eta erdi hasi ziren elkarrekin hika egiten

  Irati Barrena Bolinaga (1999) Marixol Bolinaga Erostarbe (1962) Oñati

  Zer sentsazio hika egiteak? Gertutasuna, konfiantza, lotura bat... Duela urte eta erdi hasi ziren hika egiten, Irati Batxi-2n zegoela.

• Sozializatzeko moduak

  Beatriz Irizar Elortza (1948) Oñati

  Sozializateko modu diferenteak izan dituzte emakumeek eta gizakumeek. Bizitza sozialagoa zuten gizonek. Oñatz-ekin hasi ziren gauzak egiten. Neskek ohitura handiagoa zuten erdaraz jarduteko mutilek baino. Oraingo egoera zein den.

• Hikarekin zer harreman?

  Aintzane Agirre Urzelai (1981) Oñati

  Etxean anaiek hika egiten diote elkarri, baina berari ez zion inork hika egin etxean. Villabonan bizi zenean, hika hizketan hasi zen Fleming ikastetxeko lankide batekin. Gipuzkeraz egiten zuen han, eta hitanoa ere bertakoa.

• Laguna duen emakume batek hika egiten dio

  Aintzane Agirre Urzelai (1981) Oñati

  Badaude batzuek batzuetan hika egiten diotenak. Emakume batek hika egiten dio berari, baina alabari, berriz, ez.

• Hika gaizki egiteko askatasuna

  Aintzane Agirre Urzelai (1981) Oñati

  Egunerokotasunean hika jardutea ez da erraza. Pertsona konkretuekin eta lana eginda lortzen dela dio. Konfiantza izan behar da gaizki egiteko, ikasten joan ahal izateko.

• Hika egiten hasteko prozesua

  Aintzane Agirre Urzelai (1981) Oñati

  Villabonan egin zuen hika egiten hasteko prozesua. Hasierako zailtasunak aipatzen ditu. Egitura batzuk barneratu ahala, errazagoa da.

• Hikatertuliak

  Aintzane Agirre Urzelai (1981) Oñati

  Mintzapraktika garrantzitsua da eta hika egiteko ere hori behar da: hikatertuliak, hikapoteoak...

• Hitanoaren osasuna Oñatin

  Aintzane Agirre Urzelai (1981) Oñati

  Nesken artean hitanoa galtzen joan da, eta mutilen artean parranda giroan erabiltzen dela uste du edo oso baserri eremuko jendeak. Bestela, ez du hain osasuntsu ikusten mutilena ere. Emakumeei lotsa handiagoa ematen die gaizki eaateko beldurrak mutilei baino.

• Zergatik joan da galtzen noka eta toka ez?

  Aintzane Agirre Urzelai (1981) Oñati

  Lotsaren eraginez joan da galtzen noka: emakumeok konplexu gehiago dituzte. Emakumeen demostratu beharra. Bigarren mailan egon da beti emakumea.

• Noka konfiantzazko eremuetan bakarrik

  Aintzane Agirre Urzelai (1981) Oñati

  Sozializatzeko modua desberdina zen gizonena eta emakumeena, sasoi batean. Emakumeek talde txikietan hika egingo zutela uste du, konfiantzazko eremuetan, baina hortik kanpora ez. Kalera bizitzera joandakoan ere hitanoa baztertzen zuten. Hitanoa baserri munduan gorde da ondoen.

• Hikak ematen duena

  Aintzane Agirre Urzelai (1981) Oñati

  Hika egitea mutil gazteen artean errebeldiarekin lotzen dela uste du Aintzanek, eta maskulinitatearekin ere bai. Aintzanerentzat plazera da hika egitea. Alabek hika egitea oso polita izango litzakeela dio.