Hika hizketan

  • Kontxita Biain Auzokoekin elkartasun eta konfiantza handiagoa

    Kontxita Biain Biain (1928) Mari Tere Biain Iñurritegi (1928) Oñati

    Garai bateko bizimodua tristea zen, nahiz eta denak konforme bizi. Etxean gatza falta baldin bazen, aldekoarengana. Atea zabalik egoten zen etxeetan. Auzkoen artean elkartasun eta konfiantza handiagoa zegoen.

  • Kontxita Biain Lantegira sartu aurretik, baserriko lanak

    Kontxita Biain Biain (1928) Mari Tere Biain Iñurritegi (1928) Oñati

    Goizean zortzietarako lantegira joaten ziren, baina hara joan aurretik seietan jaiki eta baserriko lanak egin behar. Aitak beti esaten zion Mari Tereri aldamenekoak jada lanean zeudela eta jaikitzeko ohetik. Kontxita zazpi eta erdietan sartzen zen Garai lantegian.

  • Kontxita Biain Lezesarrikoek auzokoei egindako txantxa

    Kontxita Biain Biain (1928) Mari Tere Biain Iñurritegi (1928) Oñati

    Mari Terek Kontzejupetik aldizkarian Lezesarri baserrikoen inguruan irakurritako pasadizo bat kontatzen du. Beraiei gertatzen zitzaien antzera, haiei ere errieta egiten zieten etxean, auzokoak askoz goizago joaten zirelako goizean sorora lanera. Egoera aldatu nahirik auzokoei egin zieten txantxa.

  • Jose Gorospe Ijitoek gazta erdia kendu zioteneko pasadizoa

    Jose Gorospe Abasolo (1934) Antonio Sagarna Ortuondo (1922) Dima

    `Kariño´ gaztak saltzera joaten zen motoan. Behin ijito talde handi baten ondotik pasa zen eta emakume batek gelditzeko esan zion. Ume mordoa inguratu zitzaizkion moto ingurura. Bertan bizitakoak.

  • Antonio Sagarna Maisuak zigortu zueneko pasadizoa

    Antonio Sagarna Ortuondo (1922) Dima

    Artaun auzoko ermitan maisu batek eskolak ematen zituen. Eskola umeen janzkera. Maisuak `Kariño´ zigortu zueneko pasadizoa.

  • Jose Gorospe Bilbora lehenengo aldiz joan zenekoa

    Jose Gorospe Abasolo (1934) Antonio Sagarna Ortuondo (1922) Dima

    21 urterekin soldadu joan zen `Kariño´. Ordura arte birritan zegoen Bilbora joanda. Lehenengoz 15-16 urterekin hango biltegi batera baba eroatera. Igorreraino oinez eta handik tranbian.

  • Jose Gorospe Lemoatxen borroka gogorra

    Jose Gorospe Abasolo (1934) Antonio Sagarna Ortuondo (1922) Dima

    Lemoatxen borroka gogorrak bizi izan ziren gerratean. Jose han ibili zen beharrean gerora eta gerrateko bonba-zuloak zeuden bezala mantentzeko agindu zioten. Dena zuloz beteta geratu zen. Jende asko hil zen bertan.

  • Antonio Sagarna Gorrien kamioiak Diman; bonbardaketak

    Antonio Sagarna Ortuondo (1922) Dima

    `Kariño´astoarekin errotara zihoala, Dimako plazan kamioi txiki pila bat ikusi zituen pasatzen. Gorriak zihoazen bertan, aizkora, pikatxoi eta eskopetekin. Gerra luze joan zen eta pixkanaka gorriak arma gabe geratzen joan zirela dio. Lehenengo bonbardaketa Otxandion. Gero Durango, Elgeta, Gernika... Berak dena ikusi zuen.

  • Jose Gorospe Lorentzo Gorospe zauritu zutenekoa

    Jose Gorospe Abasolo (1934) Antonio Sagarna Ortuondo (1922) Dima

    Gerrateko bizipenak. Igorreko Lorentzo Gorospe zauritu zuteneko kontuak. Zorte handia izan zuen.`Kariño´ren anaiarekin batera zebilen gerratean.

  • Jose Gorospe Bost-sei urterekin Otxandiora artzain

    Jose Gorospe Abasolo (1934) Dima

    Joseren mutikotako bizimodua. Bost-sei urterekin Otxandiora eraman zuen aititak, artzain lanera. Han hegazkinak ikusten zituen eta jan-mina piztu zitzaion. Otxandioko artzain bat ardiekin Sondika aldera jaisten zen eta berak ere hegazkinak lur hartzen ikusi nahi. Ardia errekara bota zueneko pasadizoa. Laugarren egunean maleta hartu eta etxera itzuli zen. Aitak ondo hartu zuen eta pozik.

  • Jose Gorospe Bilbon karroarekin esnea banatzen

    Jose Gorospe Abasolo (1934) Dima

    Jose Bilbora joaten zen esnea saltzera. Bostetan jagi, astoak prestatu, Igorrera eraman, han tranbian kargatu... Bilbon karro bat edukitzen zuen esneak banatzeko. Bilboko udaltzainekin bizitakoak. Han ikasi ei zuen pixka bat gaztelaniaz.

  • Aurelio Ikobaltzeta Lanik ez zuena eskean edo lapurretan

    Aurelio Ikobaltzeta Goiti (1939) Margarita Ikobaltzeta Goiti (1934) Maria Elisa Ikobaltzeta Goiti () Mañaria

    Garai batean ez zegoen erretirotik eta hil arte lan egiten zen. Lanik ez zuenak ez zuen diru-iturririk eta jendea txarto ibiltzen zen. Eskeko asko ibiltzen ziren eta ijitoak ere bai. Kaleko jendeak gauez jatekoa lapurtzen zuen.

  • Aurelio Ikobaltzeta Gabino Arana maisua

    Aurelio Ikobaltzeta Goiti (1939) Margarita Ikobaltzeta Goiti (1934) Maria Elisa Ikobaltzeta Goiti () Mañaria

    Gabino Arana maisua. Bi seme zituen. Herriko idazkari lana ere egiten zuen. Istripua izan zuen motoarekin Iurretara bidean. Hura erretiratu zenean, beste nafar bat etorri zen: Aranburu.

  • Aurelio Ikobaltzeta Aitaren poltsikoko erlojua

    Aurelio Ikobaltzeta Goiti (1939) Margarita Ikobaltzeta Goiti (1934) Maria Elisa Ikobaltzeta Goiti () Mañaria

    Aitita eta aita biak dantzazaleak ziren. Orduan irratian musikarik ez zen egoten ia. Jaietan txistulariak. Goizean zain egoten zen, zer ordu zen jakiteko. Poltsikoko erlojua erabiltzen zuen. Behin galdu egin zitzaion eta sekulakoak egin ei zituen bila.

  • Aurelio Ikobaltzeta Autobusak Gasteizera eta Durangora

    Aurelio Ikobaltzeta Goiti (1939) Margarita Ikobaltzeta Goiti (1934) Maria Elisa Ikobaltzeta Goiti () Mañaria

    Aita batzuetan Gasteizera joaten zen osabarengana. Autobusa egoten zen Durangotik. Autobusak postariaren lana egiten zuen. Domeka iluntzeetan autobusa joaten zen Mañarira, jendea Durangora eramateko. Osaba bera ere sarri etortzen zen Mañarira.

  • Aurelio Ikobaltzeta Eraikuntza lanean; Fonseco-ko injineruarekin harremana

    Aurelio Ikobaltzeta Goiti (1939) Mañaria

    Izurtza inguruan pabiloi batzuk egiten ibili ziren 25 urte inguru zituela. Sasoi ona zuen eta denetarik egiten zuen. Fonseco enpresako injineruak ea eurekin geratuko zen lanean esan zion eta halaxe hasi zen. Asturiasen arropak bustita injineruarekin bizitako pasadizoa.

  • Aurelio Ikobaltzeta Udalean zeudenen arteko harremana

    Aurelio Ikobaltzeta Goiti (1939) Mañaria

    Garai batean Udalean egon zirenak ez ziren politikoak; herriaren alde egitearren sartu ziren. Urtean behin ospakizuna izaten zuten Bilbon. Hilean behin bilera egiten zuten eta bi bileratik behin tripakiak jatera joaten ziren tabernara, idazkariak hala esanda. Ez zen mugimendu handirik egoten Udalean, eta dirurik ere ez zegoen; justu-justu idazkaria ordaintzeko.

  • Aurelio Ikobaltzeta Emakumeak josten ikastera edo neskame

    Aurelio Ikobaltzeta Goiti (1939) Margarita Ikobaltzeta Goiti (1934) Maria Elisa Ikobaltzeta Goiti () Mañaria

    Garai bateko emakumeak josten ikastera joaten ziren. Dirua ateratzeko, berriz, neskame.

  • Aurelio Ikobaltzeta Aste Santuko prozesioen ibilbidea; enkantea

    Aurelio Ikobaltzeta Goiti (1939) Margarita Ikobaltzeta Goiti (1934) Maria Elisa Ikobaltzeta Goiti () Mañaria

    Aste Santuko prozesioak nondik nora egiten ziren. Prozesioan eraman beharrekoak enkantean jartzen ziren Erramu egunean. Aureliok eta lagunak gurutzetxo bana hartzen zuten. Gero, prozesioan ortozik joan behar. Bekorotzak zapalduta laguna maldizioka ibili zeneko kontuak.

  • Aurelio Ikobaltzeta Ekaitza zetorrelako prozesiotik arineketan alde

    Aurelio Ikobaltzeta Goiti (1939) Margarita Ikobaltzeta Goiti (1934) Maria Elisa Ikobaltzeta Goiti () Mañaria

    Aste Santuko prozesioak. Behin ekaitza zetorrela eta batzuek alde egin zuten arineketan, santuak eta bestelakoak bertan lagata, eta besteak busti-busti eginda geratu ziren. Aurelio eta laguna beti bihurrikerietarako prest.