Hitanoari buruzko pasarteak

  • Karmen Irizar Hitanoaren etorkizuna

    Karmen Irizar Aranguren (1948) Genaro Laskurain Lete (1942) Antzuola

    Umeen kasuan, hika entzuten dutenek ohitura hartuko dutela uste du Genarok. Karmenek dio neska-mutikoen artean gutxi entzuten dela; lagaz gero, galdu egingo litzatekeela uste du. Genarok uste du, bere euskalkian hika egitea errazagoa dela batuan edo Tolosaldeko hizkeran hika egitea baino. Karmenek uste du bere euskalkia aldrebesagoa dela beste batzuena baino.

  • Karmen Irizar Hitanoaren transmisiorako, hizketarako ohitura berreskuratzea

    Karmen Irizar Aranguren (1948) Genaro Laskurain Lete (1942) Antzuola

    10-12 urteko neska-mutikoak eta txikiagoak erdaraz entzuten ditu Karmenek. Erdararen indarra izugarria dela dio Karmenek. Genarok azaltzen du lehen hizketarako ohitura zegoela, etxean zein kalean. Adibidea jartzen du. Karmenek dio mugikorrak eskuetatik ihes egiten ote dion jendeari.

  • Genaro Laskurain Mutilek neskekin orain hika gehiago

    Genaro Laskurain Lete (1942) Antzuola

    Mutilek neskekin orain hika gehiago egiten dutela uste du.

  • Karmen Irizar Haserretutakoan, hika

    Karmen Irizar Aranguren (1948) Genaro Laskurain Lete (1942) Antzuola

    Hika konfiantzaren ikur dela diote. Haserretutakoan, hika gogorragoa dela dio Karmenek.

  • Karmen Irizar Gazteenek ez darabilte hitanorik

    Karmen Irizar Aranguren (1948) Genaro Laskurain Lete (1942) Antzuola

    Hitanoa galtzeko bidean dagoela uste du Karmenek. Gazteak ez ditu hika entzuten. Berrogei urte ingurukoek egiten dutela diote. Jendea hika tratatzea lotsagabea zela dio Karmenek. Genarok dio ohiturak aldatzea ez dela samurra. Bultzatu egin behar dela diote, etxetik edo ikastolatik.

  • Karmen Irizar Gazteek hika egiten dietenean, pozik

    Karmen Irizar Aranguren (1948) Genaro Laskurain Lete (1942) Antzuola

    Karmenek mutilei zein neskei berdin egiten die hika; Genarok ere hala dio. Gazteren batek hika egiten dienean, poz hartzen dute.

  • Imanole Legorburu Nagusiagoei hika egitearren, errieta

    Imanole Legorburu Ibarguren (1962) Lierni Legorburu Ibarguren (1959) Antzuola

    Osaba bati hika egin zion Liernik eta errieta egin zion osabak. Imanolek pasarte bat kontatzen du. Imanolen semeak osabei hika egitearren errietak jaso izan dituela dio.

  • Imanole Legorburu Errespetua ez da hitanoarekin neurtzen

    Imanole Legorburu Ibarguren (1962) Lierni Legorburu Ibarguren (1959) Antzuola

    Berdinetik berdinera daudela sentitzen dutenekin egiten dute hika. Lierniri semeak hika egiten dio, ikaste aldera, eta orain arte ez zen horrela egiten. Imanoleren semeak denei egiten die hika, zahar eta gazte. Hitanoak jarraituko badu, arauak malgutzea ondo ikusten dute. Errespetua ez dela hitanoarekin neurtzen uste dute.

  • Imanole Legorburu Gazteetan mutilek gehiago darabilte hitanoa

    Imanole Legorburu Ibarguren (1962) Lierni Legorburu Ibarguren (1959) Antzuola

    Gazteek mutilen artean hika egiten dute; neskei ere egiten diete baina toka. Orokorrean herrian etxeetan hika gutxi egiten dutela dio Imanolek. Nesken artean gutxi direla diote. Beren gurasoen garaian, denek hika egiten zutela diote.

  • Imanole Legorburu Ikasteko erabili egin behar, erabiltzeko entzun

    Imanole Legorburu Ibarguren (1962) Lierni Legorburu Ibarguren (1959) Antzuola

    Neska gazteek hitanoa entzutea behar dute ikasi ahal izateko. Noka nesken ezaugarria dela eta horrek indartzen dituela uste du Liernik. Mutilei zuzentzen diete gaizki erabilitakoan; neskak erabiltzen hasi egin beharko liratekeela dio Imanolek.

  • Imanole Legorburu Hitanoa berreskuratzeko ideiak

    Imanole Legorburu Ibarguren (1962) Lierni Legorburu Ibarguren (1959) Antzuola

    Hitano tailerra oso polita izan zela diote; adin askotariko jendea batu zen. Hikalaguna martxan jarri, zabalpena egin, jaso... Dena dagoela egiteko dio Liernik.

  • Jose Ramon Jauregi Hika jaso, batak etxetik, besteak lagunartetik

    Jose Ramon Jauregi Guridi (1960) Jaime Larrea Aranguren (1960) Antzuola

    Txikitatik egiten du hika Jaimek, aitak hala egiten zion eta. Lagunartean hasi zen Jose Ramon.

  • Jose Ramon Jauregi Hitanoa, etxetik ikastea onena

    Jose Ramon Jauregi Guridi (1960) Jaime Larrea Aranguren (1960) Antzuola

    Hika etxetik eta txikitatik hasi behar dela diote. Ohitura aldatzeak ahalegin handia eskatzen duela diote. Beraiek baino zaharragoak diren emakumeek egiten dute hika.

  • Jose Ramon Jauregi Animaliei toka

    Jose Ramon Jauregi Guridi (1960) Jaime Larrea Aranguren (1960) Antzuola

    Animaliei hika egin izan diete eta orokorrean, toka, arrarena.

  • Jose Ramon Jauregi Hitanoa, etxetik edo eskolatik jaso behar

    Jose Ramon Jauregi Guridi (1960) Jaime Larrea Aranguren (1960) Antzuola

    Hika egiten jarraitzea dela bidea diote: ez galtzeko, egin egin behar dela. Noka nola indartu ez dakite. Kalean egiten ez duenak etxean ez duela egingo uste dute, eta alderantziz ere bai. Etxetik edo eskolatik jaso beharko luketela diote.

  • Jose Ramon Jauregi Noka berreskuratzeko, lehenengo neskek ekin behar

    Jose Ramon Jauregi Guridi (1960) Jaime Larrea Aranguren (1960) Antzuola

    Neskek lehenengo hika beraien kasatara egiten hasi beharko luketela uste du Jaimek. Hartara, haiek entzunez gero, norberak ere errazago egingo liekeela hika.

  • Karmen Irizar Hitanoarekiko aurreiritziak eta ohiturak

    Karmen Irizar Aranguren (1948) Genaro Laskurain Lete (1942) Antzuola

    Momentu batetik aurrera hasi ziren esaten hika egitea edukazio falta zela. Beren aita-amek hika egiten zuten senideekin eta gertukoekin. Mutilei errazago egin izan zaie hika neskei baino. Ohitura kontua izan dela dio Genarok. Kaleko jendearekin zuka egiten zuten. Eskolan euskara galarazita zeukaten. Elizan berorika egiten zuten.

  • Karmen Irizar Hika konfiantzan, zuka errespetuagatik

    Karmen Irizar Aranguren (1948) Genaro Laskurain Lete (1942) Antzuola

    Batzuekin hikarako joera eta beste batzuekin zukarakoa izaten dute. Ohituraz gain, konfiantza mailak ere eragina daukala uste dute. Kuadrilan biek egiten zuten hika lagunekin, baina mutilek neskei dantza eskatzerakoan zuka egiten zieten. Errespetua behar zela entzuten zuten.

  • Karmen Irizar Hika seme-alabekin, batzuek bai, besteek ez

    Karmen Irizar Aranguren (1948) Genaro Laskurain Lete (1942) Antzuola

    Seme-alabei Karmenek hika egiten die, Genarok alabei, berriz, zuka. Ohitura kontua dela dio Genarok. Alabei ez baina suhiei hika egiten die Genarok.

  • Karmen Irizar Seme-alaben hitanorako joera

    Karmen Irizar Aranguren (1948) Genaro Laskurain Lete (1942) Antzuola

    Karmenen semeak lagunartean hika egiten du; errainak lagunartean zuka. Alabak senarrarekin zuka egiten du. Genaroren alabek elkarri zuka egiten diote baina lagunartean hika egiten zutela uste du.